Luis Suarez ka shënuar gol të vonshëm për rikthimin dramatik të Atletico Madridit ndaj Osasunas. Atletico, të dielën mbrëma, fitoi 2:1 ndaj Osasunas, në kuadër të xhiros së parafundit të La Ligës spanjolle.
Suarez, që ishte larguar nga Barcelona si “tepricë”, shënoi në minutën e 88-të pas asistimit të Yannick Carrascos.
Ante Budimir kishte kaluar në epërsi Osasunan me gol në minutën e 75-të. Për 1:1 realizoi Renan Lodi në minutën e 82-të, para se Suarez të vendoste sfidën.
Atletico udhëheq në tabelë me 83 pikë, dy më shumë se Real Madridi. Reali fitoi 1:0 në udhëtim ndaj Athletic Bilbaos. Nacho Fernandez shënoi golin e fitores.
Ndërkohë Barcelona tashmë është jashtë garës për titull të kampionit. Barcelona pësoi 2:1 në Camp Nou nga Celta Vigo. Lionel Messi shënoi në minutën e 28-të, por Santi Mina realizoi dy gola për fitoren e Vigos. Barça është e treta me 76 pikë dhe mbetet pa titull.
-
16 maj 2021 22:29
-
Shpërndaje në: