Golden Eagle Ylli është skuadra e fundit që është kualifikuar në gjysmëfinalen të plejofit të Superligës së Kosovës në baskeboll.
Në ndeshjen e tretë çerekfinale të luajtur të premten në Suharekë, Ylli triumfi ndaj Bashkimit me rezultatin 97:79.
Me këtë fitore, Ylli ka avancuar gjysmëfinale me rezultatin e përgjithshëm 2:1 në serinë çerekfinale ndaj Bashkimit.
Në gjysmëfinale, Ylli do të përballet me Rahovecin, ekip që doli nënkampion i pjesës së rregullt.
Elyjah Clark me 36 pikë ishte më efikasi te Ylli, i përcjellë nga LG Gill (16) e Erjon Kastrati (15).
Te Bashkimi, Obinna Oleka pati 24 pikë e 13 kërcime kurse me lojë të mirë u dalluan edhe Milosh Latkoviq (19) e Musab Mala (17) por që nuk i shpëtuan prizrenasit nga eliminimi.
-
23 prill 2021 21:51
-
Shpërndaje në: