Gjiganti i veturave, Honda Motor, ka bërë një njoftim ku kompania planifikon të kalojë në vetura tërësisht elektrike deri në vitin 2040, ka thënë shefi ekzekutiv i kompanisë, Toshihiro Mibe të premten.

Deri në vitin 2030, kompania pret që EV-të të zënë 40% të shitjeve dhe do ta rritë atë më tej në 80% deri në vitin 2035 në të gjitha tregjet kryesore që përfshijnë Amerikën e Veriut dhe Kinën.

Angazhimi i ri nga kompania erdhi menjëherë pas premtimit të Japonisë për të ulur emetimet deri në vitin 2030. Yoshihide Suga, kryeministri japonez synon një ulje prej 46% të emetimeve deri në vitin 2030 dhe po kërkon mënyra për ta dyfishuar objektivin e tij.

Synimi i vendosur nga qeveria është "i realizueshëm", ka thënë Mibe.