Bayern Munichu ka shprehur interesim për trajnerin italian Massimiliano Allegri, kanë njoftuar mediumet italiane të enjten.
Bëhet e ditur se Allegri po shihet si zgjidhje ideale për Bayernin nëse dështon ta siguroj Julian Nagelsmannin e Leipzigut.
Bayerni është vënë në kërkim të një trajneri pasi Hansi Flick ka paralajmëruar largimin nga klubi në fund të këtij edicioni.
Nagelsmann mbetet zgjidhja e parë për bavarezët që nuk përjashtojnë as mundësinë e angazhimit të Allegrit.
Tekniku italian është i papunë prej verës së vitit 2019 dhe ka paralajmëruar kthimin e tij në zejen e trajnerit pas përfundimit të këtij sezoni.
Allegri sukseset më të mëdha si trajner i ka arritur me Juventusin dhe Milanin.
-
15 prill 2021 16:54
-
Shpërndaje në: