Sport

Ibrahimoviq me lëndim muskulor, pritet t’i mungojë Milanit në ndeshjet e radhës

Sulmuesi Zlatan Ibrahimoviq ka marrë një lëndim muskulor në ndeshjen ndaj Napolit mbrëmë dhe pritet të mungojë së paku dy javë.

Ibrahimoviq realizoi dy gola ndaj Napolit në fitoren 3:1 të Milanit, ndërsa u largua në minutën e 79-të me një problem muskulor.

“Sky Sport Italia” njofton se ai ka pësuar lëndim në kofshën e majtë dhe duhet të bëhen teste të reja në dhjetë ditët e ardhshme për të mësuar seriozitetin e lëndimit të 39-vjeçarit.

Milani do të përballet me Lillen dhe Celticun në Ligën e Evropës e po ashtu me Fiorentinë në Serie A gjatë dhjetë ditëve të ardhshme. Në këto ndeshje nuk do të mund të llogarisë në shërbimet e Ibrës.