Boksieri kosovar Genc Pllana më 23 shtator në Los Angeles do të përballet me kubanin e pamposhtur Miadel Sando, në një duel në tetë raunde.

Për Pllanën 26-vjeçar, që jeton në Maryland të SHBA-së, do të jetë dueli i 11-të në boksin profesionist.

Pllana i ka fituar deri më tash tetë përballje, ndërsa ka edhe një humbje e një barazim. Sando i ka fituar nëntë përballjet në boksin profesionist, prej tyre shtatë me nokaut.

Pllana ishte paraparë të ndeshej më 21 korrik me Raphael Igbokwen, por kundërshtari i tij në ditën e ndeshjes kishte marrë rezultatin pozitiv për COVID-19.