Sport

Barça fiton kryendeshjen ndaj Atleticos, del e para në tabelë

Barcelona ka fituar 2 me 1 kryendeshjen e xhiros së 24-të në La Ligë ndaj Atletico Madridit.

Të tre golat në këtë ndeshje u shënuan në pjesën e dytë.

Rafinha hapi serinë e golave në minutën e 64-të duke i dhënë epërsinë fillestare Barçës. Gjashtë minuta më vonë Diego Godin shënoi për 1 me 1, ndërsa heroi i Barcelonës sërish doli Leo Messi që në minutën e 86-të shënoi për fitoren e 16-të të Barçës.

Barcelona pas 24 ndeshjeve ka 54 pikë, dy më shumë se Reali e Sevilla që janë në pozitat dy dhe tre aktualisht. Reali ka dy ndeshje më pak të zhvilluara. Atletico mbetet e katërta me 45 pikë në tabelë.