Klubi i Premier Leagues së Anglisë, Tottenham nuk e ka ndërmend të shesë yllin Harry Kane këtë verë e po ashtu nuk do ta shesë atë te një rival i Premier Leagues, shkruan BBC, transmeton Koha.net.
Kane 26-vjeçar, firmosi kontratë gjashtëvjeçare me Tottenhamin në qershor të vitit 2018.
Muajin e kaluar, ai tha se nuk do të qëndrojë te klubi londinez vetëm për hatër dhe raportohet se kryetari Daniel Levy është i gatshëm të shesë sulmuesin anglez për 200 milionë funte.
Manchester Unitedi po interesohet për transferimin e kapitenit të Anglisë.
Tottenhami ka qenë një nga klubet e para që i ka pushuar përkohësisht stafin për shkak të krizës së shkaktuar nga koronavirusi, duke përfituar nga skema e qeverisë për të mbuluar pagat e punëtorëve që pushohen shkaku i krizës.
Raportohet se për shkak të krizës financiare Levy është i gatshëm të shesë Kanen nëse paguhen afro 200 milionë funte (rreth 230 milionë euro).
-
13 prill 2020 11:00
-
Shpërndaje në: