Granit Xhaka ka fituar trofeun e parë me Arsenalin, pasi në finale e mposhi Chelsean me rezultat 2 me 1 për ta ngritur FA Cupin.

Ai iu ka dedikuar fansave këtë trofe, duke premtuar performancë edhe më të mirë në sezonin e ardhshëm, transmeton Koha.net.

“Emocione jashtëzakonisht të mëdha me ngrit Kupën e famshme të Anglisë, dhe këtë e bëmë për herë të 13-të. Përfundim spektakolar i sezonit. Gjithë këtë ia dedikoj fansave që kanë besuar te ne. Jeni më të mirët dhe premtojmë performanca më të mira vitin tjetër”, ka shkruar ai në Facebook.