Xhiroja e parafundit në Superligën e Kosovës ka sjellë ndeshje mjaft të forta.
Derbi më i madh në Kosovë u zhvillua sot në Gjilan ndërmjet Gjilanit dhe Dritës, me këtë të fundit që arkëtoi pikët e plota.
Ishte Përparim Livoreka ai që i siguroi pikët e plota Dritës, duke shënuar në minutën e 86, raporton Koha.net.
Kurse në ndeshjet e tjera Prishtina e mposhti kampionin Trepçën ’89, me rezultat minimal 1-0. Golin e vetëm në këtë përballje e ka shënuar Mankenda në minutën e 10.
Feronikeli ndau pikët me Lirinë duke barazuar në Drenas me rezultat 1 me 1.
Vendasit kaluan në epërsi përmes Behar Maliqit, i cili shënoi në minutën e 55. Liria arriti të siguroj një pikë përmes Ilir Mustafës që shënoi në minutën e 90+1.
Pikët në këtë xhiro i ndanë edhe Hajvalia me Trepçën duke barazuar me rezultat 0-0, kurse Llapi e mposhti Drenicën me rezultat 4 me 1.
Besa si vendas shënoi fitore minimale ndaj Ferizajt me golin e shënuar nga Emini.
Kjo është tabela aktuale e Superligës së Kosovës në futboll:
-
20 maj 2017 21:01
-
Shpërndaje në: