Barcelona me ofertë për Lautaron Foto: Reuters

Barcelona me ofertë për Lautaron

03 December 2019 18:31

Barcelona është e vendosur për t’i siguruar shërbimet e sulmuesit të Interit, Lautaro Martinez, përcjell “Cadena Ser” të martën.

Barcelona po e synon transferimin e sulmuesit gjatë afatit kalimtar të janarit, pasi tashmë i ka bërë ofertë Interit, transmeton Koha Ditore.

Për argjentinasin, Barcelona i ka ofruar ekipit italian 70 milionë euro, plus kartonin e mesfushorit Arturo Vidal, i cili pëlqehet nga trajneri i Interit, Antonio Conte.

Lautaro 22-vjeçar po shkëlqen tek Interi dhe shpejt është shndërruar në lojtarin kryesor. Ai ka shënuar 13 gola dhe ka asistuar tri herë në 19 ndeshje në të gjitha garat me Interin.

Lautaro ka kontratë me Interin deri më 2023, kurse në radhët e tij u transferua vitin e shkuar nga Racing Club për 25 milionë euro dëmshpërblim.

© KOHA

Komentet

Shto koment

Të ngjashme