Te Maqedonia e Veriut besojnë se mund ta mposhtin Kosovën

Te Maqedonia e Veriut besojnë se mund ta mposhtin Kosovën

21 November 2019 09:56

Te Përfaqësuesja e Maqedonisë së Veriut kanë pranuar se synim e kanë kualifikimin në “Euro 2020” nëpërmjet plejofit të Ligës së Kombeve, por pengesë për këtë do të jetë Kosova. Bile e madhe.

Seleksionuesi i Maqedonisë së Veriut, Igor Angelovski, pas përfundimit të ciklit të rregullt eliminator, tha se qysh tash ka filluar të mendojë për duelin me Kosovën.

Ndeshja gjysmëfinale e plejofit të Ligës së Kombeve në kuadër të ligës D do të zhvillohet më 26 mars të vitit të ardhshëm.

Në këtë ndeshje, Maqedonia Veriore është vendase dhe fituesi i saj do të kualifikohet në finale për t’u përballur me fituesin e duelit tjetër gjysmëfinal Gjeorgji – Bjellorusi, shkruan sot Koha Ditore.

Përfaqësuesja e Maqedonisë së Veriut, të martën mbrëma ka mbyllur ciklin eliminator për “Euro 2020”, me fitore minimale ndaj Izraelit (1:0), në ndeshjen e luajtur në Shkup, në të cilën i pranishëm në tribuna ishte edhe përzgjedhësi i Kosovës, Bernard Challandes.

Me këtë fitore, Maqedonia e Veriut ka përfunduar e treta në Grupin G me 14 pikë në dhjetë ndeshje të zhvilluara. Prej këtij grupi, paraqitjen në evropian e kanë siguruar Polonia dhe Austria.

Në dhjetë ndeshjet kualifikuese, Maqedonia Veriore ka regjistruar katër fitore, dy barazime dhe katër humbje. Edhe Kosova ciklin eliminator për “Euro 2020” e ka mbyllur në pozitën e tretë, por në Grupin A me 11 pikë nga tetë ndeshje.

Angelovski për mediumet maqedonase ka thënë se e ka parasysh që është larg evropianit vetëm dy fitore, por duelin e Kosovës e ka vlerësuar shumë të vështirë. Ai ka thënë se shpreson që për këtë përballje t’i ketë të gjithë futbollistët në dispozicion....(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme