Tare synon ta sjellë Muriqin në Lazio Foto: Driton Paçarada / KD

Tare synon ta sjellë Muriqin në Lazio

20 November 2019 21:56

Lazio ka nisur të mendojë seriozisht për ta sjellë Vedat Muriqin në ekip. Sulmuesi i Kosovës dhe i Fenerbahçes në Turqi, kohëve të fundit, me paraqitje të mira e ka marrë vëmendjen edhe të ekipeve si Atletico Madrid e Tottenham.

Megjithatë, “Calciomercato” shkruan se drejtori sportiv shqiptar i lacialëve, Igli Tare, synon ta transferojë shtatlartin nga Prizreni që në afatin kalimtar dimëror.

Në 11-të ndeshje sivjet, me ekipin turk, Muriqi ka shënuar shtatë gola, transmeton KTV.

Siç u raportua nga faqja italiane, Fenerbahçe ia ka caktuar futbollistit kosovar çmimin prej 10 milionë eurove, derisa Lazio është gati t’i japë atij 8 milionë euro.

Mediat italiane, të martën, bënë të ditur se Lazio po e monitoron edhe situatën e qendërbmrojtësve të Veronës, Amir Rrahmani dhe Marash Kumbulla.

© KOHA. Të gjitha të drejtat janë të rezervuara.

Komentet

Shto koment

Të ngjashme