Tolaj realizon tetë gola për fitoren e Zvicrës U19

Tolaj realizon tetë gola për fitoren e Zvicrës U19

19 November 2019 16:30

Qendërsulmuesi kosovar i Zvicrës U19, Lorent Tolaj, ka realizuar tetë gola në fitoren e kësaj përfaqësueseje ndaj Gjibraltarit në kualifikimet për Euro 2020.

18-vjeçari shënoi tetë golat në fitoren 16:1 në Grupin 10 kualifikues. Ai po ashtu asistoi në një tjetër gol.

Te Zvicra edhe Orges Bunjaku shënoi hat-trick. Ai asistoi në katër gola të tjerë.

Pas tri ndeshjeve, Zvicra ka gjashtë pikë në pozitën e dytë, pas Austrisë që prin me nëntë pikë.

Sulmuesi i Brightonit po shkëlqen këtë edicion edhe te skuadra në Angli. Në tetë paraqitje për ekipin e të rinjve, ai ka shënuar nëntë gola e ka asistuar tre herë.

© KOHA. Të gjitha të drejtat janë të rezervuara.

Komentet

Shto koment

Të ngjashme