Jordi Alba ka thënë se me shumë dëshirë do ta mirëpriste Iscon te Barcelona nëse mesfushori vendos të largohet nga Real Madridi në fund të këtij sezoni.

24-vjeçari ka dështuar të gjejë një vend në formacionin bazë të Realit, duke realizuar vetëm 11 paraqitje nga minuta e parë. Ai paralajmëroi largimin nga Madridi ndërsa Alba ka thënë se do të donte ta shihte Iscon në Camp Nou.

“Lojtarët e mirë janë gjithmonë të mirëpritur”, ka thënë Alba kur është pyetur për transferimin e mundshëm të Iscos. “Kam shumë kohë për Iscon. Ende e njoh nga koha kur luanim së bashku në Valencia dhe e di se ka shumë kualitete”.

“Koha do të tregojë se mund të ndodhë çdo gjë”, ka thënë veç të tjerash Alba.