Manchester Unitedi ka refuzuar një ofertë të Real Madridit prej 30 milionë euro plus James Rodriguezin në shkëmbim për Paul Pogban, bën të ditur "The Times" të hënën.
Trajneri i Real Madridit, Zinedine Zidane po kërkon me ngulm të transferojë Pogban, mirëpo krerët e Manchester Unitedit kanë refuzuar një ofertë shkëmbimi.
Vlera e Pogbas sillet rreth 160 milionë euro, kështu që zyrtarët e Manchester Unitedit e kanë vlerësuar ofertën e Realit prej 30 milionë euro plus James Rodriguezin tepër të vogël, veçanërisht pasi vlera e Rodriguezit në treg ka rënë.
Kolumbiani Rodriguez dy stinorët e fundit ishte i huazuar te Bayern Muencheni, ndërsa për të kanë shprehur interesim këtë verë Napoli e Atletico Madridi.
-
5 gusht 2019 14:12
-
Shpërndaje në: