Klubi futbollistik Ferizaj do të privatizohet dhe në krye të klubit do të jenë donatorë nga Anglia dhe donatorë tjerë kosovarë.

Faqja zyrtare e klubit në rrjetin social Facebook ka bërë të ditur edhe emrin e personit i cili do t’i zotërojë 50% të aksioneve.

“Sot është një ditë e madhe për klubin tonë, një ditë që e kemi pritur që sa vite. Sot klubi jonë do të privatizohet nga ish-futbollisti i Premier League, Brian Deane dhe donatorë tjerë vendorë”, ka shkruar klubi në faqen zyrtare të Facebookut.

Ish-futbollisti i Premier Leagues, Brian Deane, ka bërë histori në këtë garë duke shënuar golin e parë në histori të saj për Sheffield Unitedin kundër Manchester Unitedit pas pesë minutash të nisjes së lojës më 15 gusht, 1992.