Damir Mullaomeroviq është i gatshëm që me Z Mobile Prishtinën të bëjë një hap më tej në garat evropiane dhe për këtë ai pret që t'i besohet roli i trajnerit edhe për sezonin e ardhshëm.

Mullaomeroviq fitoi titullin dhe Kupën e Kosovës, si dhe udhëhoqi skuadrën drejt suksesit më të madh në arenën ndërkombëtare, shkruan Koha Ditore.

Prishtina arriti të futet mes 16 ekipeve më të mira në FIBA Europe Cup.

Hapi tutje, sipas tij, do të ishte pjesëmarrja në fazën e grupeve të një gare më të fortë, Ligën e Kampionëve ose vazhdimi në FIBA Europe Cup, por me synime më të mëdha.

Te Prishtina po presin të marrin ftesë nga FIBA Europe për të luajtur në fazën grupore të "Championsit". Në këtë është i bindur edhe Mullaomeroviq...(Artikullin e plotë mund ta lexoni në numrin e sotëm të Kohës Ditore)