MKRS e vendosur që të investojë në infrastrukturë dhe talente të futbollit

MKRS e vendosur që të investojë në infrastrukturë dhe talente të futbollit

22 May 2019 14:02

Zëvendësministrja e Ministrisë së Kulturës, Rinis dhe Sportit të Kosovës, Leonora Morina-Bunjaku, ka pritur sot Thierry Favre, shef i Divizionit te Federatave Kombëtare të UEFA-së dhe drejtuesit e Federatës së Futbollit të Kosovës, presidentin e FFK-së, Agim Ademi dhe sekretarin e përgjithshëm Eroll Salihu.

Temë e takimit ishte diskutimi për projektet e realizuara deri më tani si dhe për projektet që e presin në të ardhmen FFK-në.

Siç thuhet n ë njoftimin për media nga ky takim, ajo ka thënë se Qeveria e Republikës së Kosovës, MKRS-ja, do të jenë të gatshme për të bashkëpunuar me UEFA-në për ndërtimin e Stadiumit Nacional si dhe 6 fushave ndihmëse të futbollit.

Ajo, po ashtu e informoi përfaqësuesin e UEFA-së që në koordinim me FFK-në investon në projekte kapitale dhe e përkrah drejtpërdrejtë futbollin në baza të rregullta vjetore.

“Në emër të MKRS-së premtova bashkëpunim dhe krijim të infrastrukturës me standarde evropiane, përderisa talenti dhe të arriturat në futbollin e Republikës së Kosovës nuk mungojnë”, tha mes tjerash Morina-Bunjaku.

Ndërsa, Thierry Favre, tha se tashmë pasi Kosova është pranuar në UEFA dhe FFK-ja po angazhohet në avancimin e sportit të futbollit, mbetet që Kosova të fokusohet në investimin në infrastrukturë dhe në nxjerrjen e talenteve të reja.

Komentet

Shto koment

Të ngjashme