Kabashi, i fundit që i kthehet vendit të origjinës pas dështimit

Kabashi, i fundit që i kthehet vendit të origjinës pas dështimit

26 April 2019 09:18

Kur vlerësohej lojtar me të ardhme në Itali, Elvis Kabashi kishte nisur një letër të pazakontë në adresë të Federatës Shqiptare të Futbollit. Kishte kërkuar që FSHF-ja të mos i dërgonte më ftesë që të luajë për Kombëtaren. FSHF-ja disa herë kishte lutur Kabashin që të vishej kuq e zi, por ai kishte refuzuar.

Karriera e Kabashit nuk është zhvilluar ashtu si 25-vjeçari dhe njerëzit pranë tij kanë shpresuar. Ish-lojtari i Juventusit tash po paraqitet për Dinamo Bukureshtin në Rumani, pasi dështoi të shpërthejë në nivelin e lartë të futbollit italian, shkruan sot “Koha Ditore”.

Dhe Qasja e tij ka ndryshuar. Ai po kërkon të luajë për Shqipërinë dhe mohon faktin të ketë nisur letër në adresë të FSHF-së. Kabashi në fakt asnjëherë nuk ka qenë në planet e Italisë, të paktën kjo nuk është bërë e ditur publikisht.

Rasti i tij dëshmon më së miri historinë e lojtarëve që kanë shpresuar e pritur që të luajnë për përfaqësuese të forta evropiane dhe që në fund kanë përfunduar te Shqipëria, apo që shpresojnë të përfundojnë te Shqipëria e Kosova. Dhe lista e të tillëve nuk është e shkurtër. Por asnjë rast nuk është ekstrem si ai i Kabashit.

Të gjithë kanë lënë një derë të vogël hapur dhe asnjë nuk ka mbyllur derën plotësisht me letër të dërguar. Dhe Kabashi derën që e ka mbyllur vite më parë po synon ta hapë sërish, duke mohuar se ka dërguar letrën.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme