Rahoveci, gjysmëfinalisti i fundit

Rahoveci, gjysmëfinalisti i fundit

22 April 2019 10:00

Rahoveci ka fituar bindshëm të dielën ndaj Ponte Prizrenit për të zënë vend në gjysmëfinale të plejofit në Superligën e Kosovës në basketboll. Në ndeshjen e tretë dhe vendimtare të çerekfinales, Rahoveci fitoi ndaj skuadrës prizrenase me shifrat 84:65. Ndeshja u zhvillua në palestrën e stërmbushur në Rahovec, ndërsa skuadra vendase që drejtohet nga Bujar Loci kishte përkrahje të madhe të shikuesve.

Kështu Rahoveci u është bashkuar Z Mobile Prishtinës, Golden Eagle Yllit dhe Bashkimit, që më herët siguruan gjysmëfinalen. Prishtina e Ylli kaluan direkt në gjysmëfinale pasi u renditën në dy pozitat e para në pjesën e rregullt të kampionatit, ndërsa Bashkimi në çerekfinale pas dy ndeshjeve eliminoi Trepçën, shkruan sot Koha Ditore.

Rahoveci pati punë më të vështirë. E humbi ndeshjen e parë ndaj Ponte Prizrenit, që u zhvillua gjatë dy ditëve. Sikur humbja të mos mjaftonte, tifozët e më pas edhe klubi shprehën dyshime jo shumë të bazuara në përkushtimin e dy lojtarëve amerikanë, që kanë bartur barrë gjatë tërë edicionit. 

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme