Kosova pret fitore të tjera pas asaj ndaj Maqedonisë

Kosova pret fitore të tjera pas asaj ndaj Maqedonisë

17 April 2019 10:00

Donika Bashota, të hënën, shënoi një fitore, por që nuk ishte e mjaftueshme për Kosovën. Të martën pos Bashotës, fitore shënoi edhe Arlinda Rushiti dhe kështu përfaqësuesja e Kosovës në tenis arriti fitoren e parë në FED Cup, garën botërore për përfaqësueset e femrave në tenis.

Përfaqësuesja e Kosovës, të martën, fitoi me rezultatin 2:1 ndaj Maqedonisë së Veriut. Të hënën pësoi po me 2:1 nga Qiproja.

Kosova është në Grupin B të Grupit III të FED Cup, që është niveli më i ulët i kësaj gare të tenisit të femrave. Në Grupin III garojnë 18 përfaqësuese nga Evropa e Afrika, në dy ngjarje të ndryshme. Ngjarja e parë po mbahet në Helsinki, ku po merr pjesë edhe Kosova, ndërsa të mërkurën (sot) nis edhe ngjarja e dytë në Ulqin, ku paraqiten shtatë përfaqësuese. Në Helsinki po garojnë Lituania, Qiproja, Finlanda, Maqedonia e Veriut, Malta, Algjeria, Kosova, Islanda e Kongo. Në Ulqin do të garojnë Norvegjia, Egjipti, Armenia, Maroku, Irlanda, Mali i Zi e Kenia, shkruan sot Koha Ditore.

Në grup me Kosovën janë Qiproja, që vlerësohet favorite, pastaj Maqedonia e Veriut, Algjeria e Kongo. Për Kosovën është pjesëmarrja e tretë në FED Cup, ndërsa synohet bilanc më i mirë se në dy pjesëmarrjet e para. Dhe fitorja ndaj përfaqësueses së vendit fqinj, Maqedonisë së Veriut, jep shpresë për këtë.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme