Man. Utd beson në një rikthim tjetër të madh Foto: Reuters

Man. Utd beson në një rikthim tjetër të madh

16 April 2019 10:45

Manchester Unitedi bëri një kthesë historike në Ligën e Kampionëve në fazën e 1/8 së finales, kur u bë skuadra e parë që përmbysi disavantazhin prej 2:0 nga ndeshja e parë si vendase për të kaluar tutje.

Unitedi mposhti 3:1 në ndeshjen e kthimit në Paris, PSG-në për të kaluar në çerekfinale në saje të rregullit të përparësisë së golit si mysafir.

Tek Unitedi besojnë se mund të arrihet një rikthim i madh edhe ndaj Barcelonës. Manchester Unitedi të martën mbrëma do të luajë në "Camp Nou" ndeshjen e kthimit çerekfinale të Ligës së Kampionëve. Ndeshjen e parë në shtëpi, Unitedi e humbi me shifrat 1:0.

"Besimi është gjë e madhe. Ne kemi parë kundër Paris Saint-Germainit se kemi aftësi të kthehemi kundër një skuadre të madhe. Barcelona është skuadra më e mirë në dhjetë vjetët e fundit, por ne nëse japim çdo gjë nga vetja dhe përqendrohemi më mirë, atëherë kemi gjasa. Në futboll çdo gjë mund të ndodhë. Ne me rëndësi është të mos pranojmë gol. E dimë se mund të shënojmë nga pozitat standarde, pasi kemi lojtarë më të gjatë, por duhet të mbrohemi mirë. Nuk e kam problem nëse shënojmë në minutën e 93-të. Unë po mendoj vetëm të shënojmë dhe të ndalim Barcelonën që të mos realizojë gol", ka deklaruar trajneri i Unitedit, Ole Gunnar Solskjaer. "Ne e dimë se duhet të luajmë më mirë se në ndeshjen e parë. Nëse ua jep topin lojtarëve si Luis Suarez apo Lionel Messi, atëherë do të vuash"... (Më gjerësisht mund të lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme