Shqipëria shpreson t’i nisë me fitore eliminatoret

Shqipëria shpreson t’i nisë me fitore eliminatoret

22 March 2019 09:33

Te Kombëtarja e Shqipërisë shpresojnë të kenë lënë pas periudhën e vështirë dhe të fillojnë mbarë kualifikimet për “Euro 2020”.

“Kuqezinjtë” të premten (sot, 20:45) në “Loro Boriçi” të Shkodrës, takohen me Turqinë, që po ashtu ka pasur krizë rezultatesh së fundi, shkruan sot “Koha Ditore”.

Ndeshja Shqipëri - Turqi është e para e Grupit H të eliminatoreve për Evropianin e ardhshëm të futbollit. Në termin të njëjtë luhen edhe takimet Andorra - Islanda e Moldavia - Franca. Synim i Shqipërisë është vendi i dytë në grup, që do t'ia siguronte paraqitjen në Evropian për herë të dytë.

Kombëtarja ka debutuar në ngjarjen e madhe evropiane në vitin 2016 kur ndonëse nuk kaloi grupin, la përshtypje të mirë. Por përshtypje të mirë nuk ka lënë vitin e kaluar kur pati fushatë të pasuksesshme në Ligën e Kombeve.

Pasi fitoi ndaj Izraelit, Shqipëria pësoi dy herë nga Skocia e një herë nga izraelitët. As miqësoret nuk i shkuan në favor. Pësoi nga Norvegjia, Kosova e Ukraina, ndërsa ka mposhtur Uellsin dhe ka barazuar me Jordaninë. Dhe tash për të përzgjedhurit e Christian Panuccit vjen koha e rëndësishme, e dëshmimit të vlerave në kualifikime. Panucci ka përsëritur të enjten në konferencë për shtyp se synim është fitorja.

“Unë jam pozitiv dhe skuadra është e përgatitur. Skuadra ka kualitet, siç ka edhe Turqia. Jam i bindur që mund të arrijmë një fitore, por gjithçka mbetet për t'u parë nesër. Duhet të japim maksimumin në fushën e lojës”, ka thënë italiani Panucci.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme