Sport

Mësohen grupet e Kampionatit Botëror në basketboll

Foto: Reuters

Në qytetin Shenzeni të Kinës, është hedhur shorti për Kampionatin Botëror në basketboll që do të mbahet në Kinë.

Në hedhjen e shortit, mysafir special ishte legjenda e Los Angeles Lakers, Koby Bryant, që bëri tërheqjen e shortit.

Shtetet e Bashkuara të Amerikës, si kampion aktual, janë në Grupin E, së bashku me Turqinë, Çekinë dhe Japoninë, duke u llogaritur një ndër grupet më të vështira, transmeton KTV.

Nikoqiri i këtij Botërori, Kina, që renditet në pozitën e 30-të në ranglistën botërore, do të jetë në grupin A, së bashku me Poloninë, Venezuelën dhe Bregun e Fildishtë.

Interesante dhe shumë konkurruese pritet të jetë edhe grupi B, ku gjenden Argjentina, Rusia, Koreja e Jugut dhe Nigeria.

Kampionati Botëror do të nisë më 31 gusht dhe do të përfundojë më 15 shtator, në Kinë.