Debati për Cristiano Ronaldon dhe Lionel Messin është ringjallur sërish pas performancave të mrekullueshme të dyshes në ndeshjet e fundit në Ligën e Kampionëve.
Në këtë është përfshirë trajneri i njohur i futbollit, Fabio Capello.
Ai ka thënë se Ronaldo është fitues dhe lojtar i jashtëzakonshëm, por nuk është në mesin e gjenive të futbollit.
“Ronaldo është futbollist i jashtëzakonshëm, por Messi është gjeni”, ka thënë Capello për “SkySportItalia”. “Janë tre gjeni në futboll Pele, Diego Maradona dhe Messi. Ronaldo mund ta ndihmojë skuadrën e tij të fitojë gjithçka, por Messi është gjeni dhe shkon përtej”.
Capello ka thënë se ishte mahnitur me Messin kur e kishte parë në moshën 16-vjeçare. “Ai bënte atë që bën tani, sepse është gjeni. Ronaldo është bërë kampion, por jo gjeni”, ka shtuar ai.
-
14 mars 2019 20:55
-
Shpërndaje në: