Nuk ka pasur fitues në ndeshjen e parë ndërmjet Liverpoolit dhe Bayern Munichut në 1/8 e finales së Ligës së Kampionëve.
Për 90 minuta asnjëra prej skuadrave nuk arriti të gjejë rrugën e golit, me Liverpoolin që shpërdoroi më tepër raste para portës së Manuel Neuerit, transmeton Koha.net.
Ishte Sadio Mane që shpërdoroi rastin ëmë të mirë në takimin e sotëm në pjesën e parë, duke çuar topin jashtë portës nga afërsia përkundër që ishte ballë-përballë me Neuerin.
Xherdan Shaqiri nuk u inkuadrua fare në këtë takim në radhët e Liverpoolit, kurse në radhët e Bayernit në bankinë ishte i riu Meriton Shabani, që po ashtu nuk u inkuadrua.
Ndeshja e kthimit zhvillohet më 13 mars në Allianz Arena.
-
19 shkurt 2019 22:52
-
Shpërndaje në: