Reali beson në “Championsin” e katërt rresht

Reali beson në “Championsin” e katërt rresht

13 shkurt 2019 11:03

Kur Real Madridi pësoi humbje 3:0 nga CSKA Moska në ndeshjen e fundit në grup në Ligën e Kampionëve në dhjetor, skuadra dukej shumë larg nga mbrojtja e titullit, e lëre më nga ajo skuadër që ka fituar garën tri herë rresht.

Mirëpo pas largimit të Julen Lopeteguit dhe emërimit të Santiago Solarit në nëntor, gjërat kanë ndryshuar dhe ndryshimi i bërë po vërehet vetëm në javët e fundit.

Real Madridi papritmas po duket si një skuadër që sërish mund të fitojë Championsin, për herë të katër rresht. Skuadra e rinovuar është e pamposhtur në ligë që nga fillimi i janarit dhe në ndeshjen e mesjavës në Amsterdam kundër Ajaxit në 1/8 e finales të Ligës së Kampionëve, futet me optimizëm pasi është ngjitur në pozitën e dytë në La Liga dhe është vetëm gjashtë pikë prapa liderit Barcelonës.

Derisa shumë po vlerësojnë lart ndikimin që ka pasur sulmuesi 18-vjeçar Vinicius Junior në këtë ngritje të Realit, është e paevitueshme të përmendet edhe lidershipi i kapitenit dhe qendërmbrojtësit Sergio Ramos.

Ramos të mërkurën do të luajë ndeshjen e tij të 600-të me Real Madridin.

“Ai ka qenë dhe mbetet një kapiten fantastik. Mendoj se është e shkëlqyer se si e bën punën e liderit, që nuk është punë e lehtë”, ka thënë trajneri i Realit, Santiago Solari.

Solari e vlerëson ndeshjen ndaj Ajaxit mjaft të vështirë, por beson se ekipi i tij është në ritëm të mirë. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme