Chelsea po e konsideron Zolan pasues të Sarrit Foto: Reuters

Chelsea po e konsideron Zolan pasues të Sarrit

11 February 2019 22:50

Chelsea raportohet se po mendon që ta caktojë Gianfranco Zolan si trajner të ri deri në fund të sezonit.

Maurizio Sarri mori përsipër klubin verës, por forma e klubit pësoi rënie dhe humbja e fundit 6 me 0 nga Manchester City ka rritur shanset për largim të italianit.

Tani sipas “SportMediaset”, Chelsea po mendon ta shkarkojë 60-vjeçarin dhe ta zëvendësojë me Zolan që aktualisht është asistent i Sarrit.

Chelsea të enjten luan me Malmon në raundin e eliminimit direkt në Ligën e Evropës, para se të takohet me Manchester Unitedin në rundin e pestë të Kupës FA më 18 shkurt.

© KOHA. Të gjitha të drejtat janë të rezervuara.

Komentet

Shto koment

Të ngjashme