Gill vendos rekord në garën “shtatë maratona, në shtatë kontinente, për shtatë ditë”

Gill vendos rekord në garën “shtatë maratona, në shtatë kontinente, për shtatë ditë”

08 shkurt 2019 13:59

Atletja britanike Susannah Gill ka fituar "World Marathon Challenge" pasi kompletoi shtatë maratona (42 kilometra e 195 metra vrapim), në shtatë kontinente për shtatë ditë.

Gill vrapoi në total 295 kilometra për një kohë rekorde të botës prej 24 orë 19 minuta e nëntë sekonda, duke djegur deri në 5000 kalori në ditë, shkruan BBC.

Gill 34-vjeçare vrapoi garën e fundit në Miami të mërkurën mbrëma në një kohë prej 3:26:24 orë, përcjell sot Koha Ditore.

"Ishte një ambicie e çmendur e imja që doja ta realizoja. Ishte një gjë që doja të bëja me çdo kusht. Dhjetë vjet më parë, unë vetëm doja të isha në formë dhe të vrapoja maratonën e Londrës, Tash, vrapimet e maratonës më kanë dërguar në mbarë botën", ka thënë ajo.

Gjatë dekadës së fundit ajo ka kompletuar 45 maratona, përfshirë dhjetë të Londrës, ndërsa kohën më të shpejtë e ka 2:58 orë.

Amerikani Mike Wardian ka fituar titullin në konkurrencën e meshkujve duke përfunduar maratonën e fundit në Miami me kohë 2:53:03 orë, dhe me një kohë totale 20:49:30 orë në shtatë garat...(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA

Komentet

Shto koment

Të ngjashme