Mbyllet me epërsi të Cityt pjesa e parë, gol i bukur nga Aguero

City ia shkakton humbjen e parë Liverpoolit për të mbajtur hapin në garën për titull

03 janar 2019 21:45
22:53

Manchester City ia ka shkaktuar humbjen e parë në sezon Liverpoolit për të nxehur garën për titull në Premier Ligë.

Në kuadër të xhiros së 21-të, ekipi i Pep Guardiolas mposhti 2 me 1 Liverpoolin e Jurgen Kloppit.

Sergio Aguero hapi serinë e golave në minutën e 40-të. Roberto Firmino barazoi gjithçka në të 64-ën, para se Leroy Sane tetë minuta më vonë të shënonte për fitoren e “Qytetarëve”.

Liverpooli mbetet lider në tabelë me 54 pikë, ndërsa City afrohet në 50 pikë në pozitën e dytë. Tottenhami është i treti me 48 pikë.

21:45

Mbyllet me epërsi të Cityt pjesa e parë, gol i bukur nga Aguero

Ka përfunduar pjesa e parë ndërmjet Manchester Cityt dhe Liverpoolit në të mirë të vendasve.

Ishte Kun Aguero që shënoi një gol të bukur kur po luhej minuta e 40 e takimit, transmeton Koha.net.

Argjentinasi shënoi me një goditje të fuqishme brenda zonës së rreptësisë nga një kënd i vështirë, pas asistimit nga Bernardo Silva.

Rastin më të mirë për Liverpoolin e pati Sadio Mane kur golin atij ia mohoi John Stones duke larguar topin nga vija e portës.

© KOHA. Të gjitha të drejtat janë të rezervuara.

Komentet

Shto koment

Të ngjashme