Harry Kane raportohet se nuk është në listën e pesë sulmuesve që Real Madridi synon për zëvendësimin e Cristiano Ronaldos.

“Mbretërit” nuk kanë gjetur pasardhësin e Ronaldos gjatë verës së kaluar ndërsa dështuan të realizojnë gola me Gareth Bale e Karim Benzeman.

Sipas Calciomercatos, kapiteni i Anglisë nuk është në listën e klubit spanjoll që pritet të përforcohet gjatë verës së këtij viti.

Siç raporton kjo gazetë, në listën e Realit janë Mauro Icardi, Timo Werner, Krzysztof Piatek, Bas Dost dhe Fernando Llorente.