Dy djem të axhës po i bëjnë krenare familjen dhe Kosovën

Dy djem të axhës po i bëjnë krenare familjen dhe Kosovën

Arsim Maxhera Arsim Maxhera 16 dhjetor 2018 10:17

Në Qipro ishte një prej stacioneve më të suksesshme të deritashme në rrugëtimin e Leuart e Milot Avdylit.

16-vjeçarët janë djem të axhës dhe rrugëtimin në futboll e bëjnë së bashku prej fillimit të karrierës. Dhe fillimi "flet" për një karrierë premtuese. Të dy janë pjesë e përfaqësueses U-17 të Kosovës në futboll, shkruan Koha Ditore.

Më i vogli prej tyre, Miloti, shënoi golin e vetëm për Kosovën U-17 në fitoren 1:0 ndaj Qipros, më 1 nëntor në Paphos. Me atë fitore Kosova fitoi Grupin 5 të raundit kualifikues për evropianin e vitit të ardhshëm dhe siguroi kalimin në raundin elitar.

Kosova i la pas Skocinë, Zvicrën e Qipron dhe tash në mars në raundin elitar do të luajë me Ukrainën, Spanjën dhe Greqinë. Ishte hera e parë që përfaqësuesja U-17 kaloi raundin kualifikues dhe suksesi u vlerësua historik. Kontributi i lojtarëve me mbiemrin Avdyli në këtë sukses u vlerësua i madh. Leuarti i lindur më 14 prill të vitit 2002 luan si mbrojtës. Ndërsa Miloti i lindur më 28 korrik të vitit 2002 luan si sulmues... (Më gjerësisht lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme