Gashi: Sporti i paraglajdizmit të promovohet sa më shumë në Kosovë Foto nga MKRS

Gashi: Sporti i paraglajdizmit të promovohet sa më shumë në Kosovë

16 nëntor 2018 13:04

Ministri i Kulturës, Rinisë dhe Sportit, Kujtim Gashi, ka takuar sot përfaqësuesit e Klubit Aeronautik ‘Ballona e Sahit Ukës’, me të cilët ka diskutuar për paraglajdizmin, dhe aktivitetet që realizohen në këtë sport jo aq të përhapur në Kosovë.

Gashi, siç thuhet në komunikatë, ka inkurajuar përfaqësuesit e klubit ‘Ballona e Sahit Ukës” që të rrisin edhe më shumë aktivitete dhe pjesëmarrësit në këtë sport dhe ta promovojnë atë sa më shumë në vendin tonë dhe për këtë kanë përkrahjen e plotë të ministrit dhe MKRS-së.

Ministri është shprehur se ndër objektivat e tij si ministër është masivizimi i sportit në përgjithësi si dhe ky është një prej prioriteteve të MKRS-së sa i përket fushës dhe politikave në sport.

“Duam që në Kosovë të kemi përqindje më të lartë të qytetarëve, e veçmas të të rinjve tanë për të qenë pjesë e aktiviteteve sportive”, ka thënë Gashi.

Ndërkaq, përfaqësuesit e ‘Balona e Sahit Ukës’ kanë falënderuar ministrin për pritjen dhe përkrahjen e ofruar. Ata e njoftuan ministrin për planet dhe aktivitetet që janë duke i realizuar si dhe për objektivat që kanë në të ardhmen.

© KOHA. Të gjitha të drejtat janë të rezervuara.

Komentet

Shto koment

Të ngjashme