Barcelona “gjunjëzon” Mbretërit, shkëlqen Suarez

Barcelona ka fituar me rezultat të thellë klasiken spanjolle ndaj Real Madridit.

5 me 1 ishte rezultati përfundimtar i takimit të sotëm në Camp Nou, transmeton Koha.net.

Përkundër që katalunasit luajtën pa Leo Messi ishte sulmuesi Luis Suarez që e udhëhoqi skuadrën drejt kësaj fitore të thellë ndaj “Mbretërve”.

Coutinho shënoi golin e parë në minutën e 11, e më pas Suarez shënoi tre gola radhazi. E golin e fundit për vendasit e shënoi Vidal.

Të vetmin gol për Realin e shënoi Marcelo në minutën e 50.

Në vendin e parë Barcelona ka 21 pikë, e Reali në vendin e 9 ka 14 pikë.

Barcelona tani është duke udhëhequr 3 me 1 ndaj Real Madridit.

Sulmuesi Luis Suarez shënoi një gol të bukur me kokë në minutën e 75 pas asistimit nga Roberto.

Ai kishte shënuar edhe golin e dytë të Barçës në pjesën e parë.

Real Madridi e ka nisur për mrekulli pjesën e dytë ndaj Barcelonës.

Ishte ylli brazilian, Marcelo që ngushtoi epërsinë e Barcelonës duke shënuar në minutën e 50 pas një aksioni shumë të bukur.

Rezultati momental është 2 me 1 në të mirë të Barçës. Në pjesën e parë kishin shënuar Coutinho e Suarez.

Barcelona ka shënuar edhe golin e dytë në klasiken spanjolle të futbollit ndaj Real Madridit.

Ishte Luis Suarez që shënoi golin e dytë në minutën e 30 nga penaltia. 

Penaltia u akordua pas përdorimit të VAR-it, që për herë të parë përdoret në El Clasico. 

Golin e parë e kishte shënuar Coutinho në minutën e 11.

Barcelona ka kaluar shpejtë në epërsi ndaj Real Madridin, në klasikën e parë spanjolle pas disa vitesh pa Leo Messin e Cristiano Ronaldon.

Ishte Philippe Coutinho ai që shënoi golin e epërsisë në minutën e 11 të takimit, për të asistoi Alba, transmeton Koha.net.

Më poshtë mund ta shikoni golin e mesfushorin brazilian.

Welcome Coutinho to Clasico goals pic.twitter.com/7pyitqCCCq

— Med (@Med_Ouaa1) October 28, 2018

© KOHA. Të gjitha të drejtat janë të rezervuara.