Sport

Barça rrit ofertën për Willianin

Skuadra e Barcelonës po insiston për transferimin e brazilianit Willian nga Chelsea.

Mediumet spanjolle, të dielën, kanë njoftuar se Barcelona ka rritur ofertën në 72 milionë euro për shërbimet e Willianit, pasi oferta e parë prej 65 milionë eurosh është refuzuar nga londinezët, transmeton “Koha Ditore”.

Willian 29-vjeçar, pritet të largohet nga Chelsea gjatë kësaj vere dhe pëlqehet shumë te Barcelona që është në kërkim të një mesfushori kreativ.

Në edicionin e fundit, Willian ka shënuar 13 gola dhe ka asistuar 12 herë në të gjitha garat. Ai është pjesë e Chelseat prej vitit 2013 dhe ka kontratë deri në vitin 2020.

Në Evropë, Willian ka bërë karrierë edhe tek Anzhi e te Shakhtari.