Cristiano Ronaldo ka nënshkruar me një kampanjë italiane për të inkurajuar dhurimin e gjakut, duke shtuar edhe më shumë spekulimet se do të kalojë te Juventusi.

Ylli i Real Madridit besohet se ka nënshkruar marrëveshje për kontratë 30 milionë euro në sezon me Juven, që po pret pranimin e ofertës 100 milionë euro nga “Mbretërit”.

Tani është konfirmuar se portugezi ka arritur marrëveshje me “Associazione Volontari Italiani Sangue” për të udhëhequr një kampanjë për dhurimin e gjakut. Kjo organizatë është me bazë në Lombardi.

Marrëveshja përfshin reklamimin me autobusë, rrjete sociale dhe një video në uebfaqen e organizatës.

Edhe pse Ronaldo ka marrëveshje me shumë kompani në botë, kjo e fundit po konsiderohet sinjal shtesë se e ardhmja e tij është në Itali.