Bashkë me stinën e vjeshtës vijnë edhe ngjyrat karakteristike që ajo ia jep natyrës gjithandej.
E këto ngjyra po dominojnë edhe në koleksionet vjeshtore të veshmbathjeve e aksesorëve të ndryshëm, raporton KOHA.
Fatbardha Salihu thotë se përveçqë për nga ngjyrat, rrobat për vjeshtë ndryshojnë edhe nga materialet.
Edhe pse stilet në përgjithësi ndërrojnë me kalimin e çdo viti, ngjyrat e materialet mbesin të njëjta.
Përderisa në stinën e verës dominojnë lulet e ngjyrat e hapura, vjeshta sjell dizajne me gjethe e me ngjyra kafe, gjelbër e verdhë.
Materialet që përdoren gjatë kësaj stine janë të shumta e kryesisht janë pambuku e leshi për xhaketa.
Edhe te veshmbathjet sportive ndodhin ndryshime me rënien e temperaturave.
Butrint Mustafa tregon që stilet mbesin të njëjta vetëm se ndryshojnë materialet, ku në dimër ka kërkesa për ato më të ngrohta.
E në motin e karakterizuar me shi ka interesim edhe për xhaketa rezistente ndaj ujit.
Me ngjyra vjeshte po kërkohen edhe mbathjet për këmbë.
-
23 tetor 2020 11:21
-
Shpërndaje në: