SOT

10-vjeçari me pasion për kuzhinën

Hapësira e preferuar e tij duket të jetë kuzhina.

Ndërsa kapela e kuzhinierit e përparësja me iniciale, janë ato që e karakterizojnë 10-vjeçarin Blin Berisha nga Prishtina.

Që nga kjo moshë ai ka vendosur ta zhvillojë pasionin e tij për gatimin.

Kanalet televizive të gatimit ishin ato që, sipas Blinit, ia përcollën ndjenjat e para të dashurisë ndaj përgatitjes së ushqimit.

Së fundmi, Blini recetat ka filluar t’i ndajë edhe me bashkëmoshatarët e tij në platformën “Gjirafa Kids”. Ndërsa për emisionin “Sot”, ai e gatoi njërën prej tyre.

Emocionet e kamerës, 10-vjeçari i fsheh me lëvizjet e tij çapkëne të përcjella me këngë.

Kuzhina është edhe në ëndrrat e 10-vjeçarit, ndërsa për audiencën Blini e ka një mesazh.