Showbiz

Sandler dhe Aniston rikthehen në Paris për filmin “Murder Mystery 2”

Aktorët e njohur amerikan, Adam Sandler dhe Jennifer Aniston, u rikthyen në Paris për të parakaluar mbi qilimin e kuq të shtruar me rastin e premierës së aksion-komedisë së tyre të re, “Murder Mystery 2”.

Dy ikonat e hollywoodit e kanë xhiruar këtë projekt në kryeqytetin francez gjatë kohës së pandemisë. Ata deklaruar që ju pëlqen gjithçka në Paris.

“Nuk ka diçka specifike që e preferoj”, tha Sandler.

“Gjithçka që kemi bërë gjatë asaj kohe ishte e preferuar për ne. Qoftë edhe nëse vetëm shëtisnim nëpër lagje”, deklaroi Aniston.

“Shëtitjet, ushqimi, vizitat nëpër lokacione të ndryshme, çdo gjë ishte e përkryer. Mjafton që isha me Jenniferin gjatë gjithë kohës”, përfundoi tutje aktori.

Në “Murder Mystery 2”, Sandlerit dhe Anistonit i bashkohet edhe aktorja e njohur franceze, Mélanie Laurent, e cila i lavdëroi ata për profesionalizmin në punë dhe dashamirësinë.

“Është vështirë ta refuzosh një rol të ofruar nga Adami dhe Jenniferi, dhe nuk mund të mos isha pjesë e një filmi të mahnitshëm dhe argëtues sikur ky. Ata janë ikona, prandaj me shumë dëshirë e pranova ftesën për t’u bërë pjesë e projektit, madje ende pa e lexuar skenarin”.

“Ata janë kaq bujarë dhe me të vërtetë duan që ti të ndihesh mirë në xhirime dhe të mund të improvizosh me ta. Po ashtu lumturohen shumë kur e bënë një shaka të mirë, çka nënkupton se kujdesen për humorin e filmit. Asnjëherë nuk janë sjellë sikur yje të Hollywoodit”, deklaroi aktorja.

Ngjarja e këtij vazhdimi zë vend katër vjet pas filmit të parë me çiftin, Nick dhe Audrey, që drejtojnë një agjenci private hetimore. Jeta e tyre dramatike merr kthesë shumë shpejt kur shoku i tyre i fton në një dasmë jashtë vendit. Por, ai përfundon duke u rrëmbyer dhe kështu çifti edhe njëherë ngatërrohet në një situatë të ndërlikuar dhe të rrezikshme.

“Murder Mystery 2” lansohet në platformën Netflix më 31 mars.