Legjenda e repit i lindur në Brooklyn - i cili u qëllua për vdekje me armë nga një i panjohur në mars 1997, në moshën 24-vjeçare – The Notorious B.I.G. do të kishte festuar ditëlindjen e tij më 21 maj dhe për të shënuar këtë rast, ndërtesa “Empire State Building” do të ndryshojë ngjyrën e dritave të saj në kuq e bardhë, me një kurorë që rrotullohet në direkun e saj për të nderuar yllin ikonë.

Një ceremoni e veçantë do të mbahet gjithashtu në ndërtesë më 20 maj, ku një mori miqsh dhe bashkëpunëtorësh - përfshirë Lil Kim, Lil' Cease dhe Voletta Wallace, nëna e reperit - do të mblidhen për të kujtuar legjendën e repit dhe për të festuar trashëgiminë e tij, raportoi FemaleFirst të martën.

Në Brooklyn, qendra Barclays do të kujtojë jetën e Biggiet duke shfaqur një video të regjistrimeve të tij në ekranin mbi hyrjen e arenës.

The Notorious B.I.G. - emri i vërtetë i të cilit ishte Christopher Wallace - u ngrit në yll së bashku me Sean 'Diddy' Combs në fillim të viteve '90.