Këngëtarja e njohur amerikane, Meghan Trainor dhe bashkëshorti i saj aktor, Daryl Sabara, e kanë mirëpritur në jetë fëmijën e parë.

Ylli i hitit “All About That Bass” e solli në jetë djalin të hënën më 8 shkurt, por e publikoi lajmin e lindjes së tij në Ditën e të Dashuruarve.

Foshnjën çifti i njohur i showbizit ka vendosur ta pagëzoj, Riley.

Me postimin e fotografive të para të djalit në Instagram, Meghan ka shkruar: “Ky djalosh i ëmbël është dashur të lindë në Ditën e të Dashuruarve, por ne patën rastin ta takojmë atë të hënën më 8 shkurt, një javë para kohe. Jemi shumë të dashuruar me të… Faleminderit Daryl Sabara për dhuratën më të mirë në jetë! Mirësevjen në këtë botë Riley”.

 

 

 

 

View this post on Instagram

 

 

 

 

 

 

 

 

 

 

 

A post shared by Meghan Trainor (@meghan_trainor)

Në një intervistë të fundit, këngëtarja 27-vjeçare Trainor e kishte pranuar se po ndihet e frikësuar ta sjell në jetë foshnjën e saj, pa praninë e së ëmës dhe familjes së ngushtë. Kjo për shkak të masave anti-Covid, të cilat e bëjnë të pamundur që në sallën e lindjes të shoqërohet nga shumë persona.

Pavarësisht pandemisë dhe shtatzënisë, Meghan Trainor nuk i ka lënë anash angazhimet në muzikë. Në fund të vitit 2020 ajo e realizoi ëndrrën e kamotshme me albumin e saj të fundit, “A Very Trainor Christmas”.

Krishtlindjet gjithnjë kanë pasur kuptim të rëndësishëm për Meghanin, pasi ajo gjithmonë kishte qenë e obsesionuar me këtë festë sepse ditëlindja e saj është më 22 dhjetor, të cilën e ka festuar me dekorimet e Krishtlindjeve. Kështu, ajo gjithnjë është ndier sikur kjo është festa e saj. Këngëtarja po ashtu është fejuar për ditëlindje, prandaj dritat dhe dekorimet e Krishtlindjeve i sjellin shumë emocione.

Albumi “A Very Trainor Christmas” përbëhet nga ‘cover’ të këngëve klasike të Krishtlindjeve si: “White Christmas”, “Silent Night” dhe “Winter Wonderland”, përfshirë këtu edhe gjashtë këngë të reja për festat e fundvitit, të cilat Trainor i ka shkruar bashkë me vëllezërit e saj gjatë kohës së karantinës. Titulli i albumit, e nderon angazhimin dhe kontributin e familjes së saj në realizimin e këtij incizimi.