Oprah nuk është pishman pse nuk është martuar kurrë dhe nuk ka fëmijë

Oprah nuk është pishman pse nuk është martuar kurrë dhe nuk ka fëmijë

12 October 2019 21:11

Prezantuesja legjendare televizive, Oprah Winfrey (65), është mësuar tashmë që të gjithë ta pyesin se pse nuk është martuar kurrë dhe nuk ka pasur fëmijë.

“Asnjëherë nuk u pendova për vendimin tim”, - tha Oprah, e cila e takoi partnerin Stedman Graham (68) në një darkë bamirësie në vitin 1986, ndërsa siç tha për revistën “People”, gjatë lidhjes së tyre 33-vjeçare, ajo vetëm një herë dëshiroi të bëhej nënë, dhe atë jo shumë kohë pasi u fejuan.

“Në një moment e bleva edhe një apartament në Chicago, e nxitur nga mendimi se nëse martohemi, do të na duhej një dhomë shtesë për fëmijë”, – e pranoi Oprah, por kjo kurrë nuk u realizua, pasi edhe vetë u bë e vetëdijshme se sa përgjegjësi dhe sakrificë duhej që një grua të bëhej nënë.

Image

Ajo gjithashtu e pranoi se gjatë viteve që punonte në The Oprah Winfrey Show, e kuptoi se po fliste me shumë njerëz të hutuar që u bënë të tillë sepse prindërit e tyre nuk ishin të vetëdijshëm se sa e rëndësishme dhe e përgjegjshme ishte detyra e edukimit, shkruan KOHA Ditore.

“Me vite të tëra e kam respektin maksimal për femrat që kanë vendosur të qëndrojnë në shtëpi me fëmijët e tyre, sepse nuk e di se si ia dalin gjatë gjithë ditës. Askush nuk po ua jep femrave mirënjohjen që e meritojnë. Kam menduar për këtë shpesh, se si punoj 17 orë në ditë, dhe kur kthehem në shtëpi i kam dy qen dhe Stedmanin, i cili më lejon të jem ajo që jam në këtë botë. Ai kurrë nuk ka kërkuar diçka nga unë, ai nuk kishte kërkesa të tipit: 'Ku është kafjalli im? Ku është darka ime?' Por mendoj se gjithçka do të kishte ndryshuar nëse do të kishim vendosur të martohemi”, - tha ajo dhe vazhdoi: “Të dy kemi konkluduar kohë më parë që nuk do të ishim më bashkë sikur të ishim martuar. Kështu që nuk pendohem për asgjë, dhe besoj se një pjesë e mospendesës sime është për shkak se e kam gjetur atë që është më e mira për mua dhe të gjitha ia dedikoj 'Oprah Winfrey Leadership Academy' për vajzat në Afrikën e Jugut. Këto vajza e plotësojnë zbrazëtirën amësore që mund ta kisha pasur”, - përfundoi ajo.

© KOHA. Të gjitha të drejtat janë të rezervuara.

Komentet

Shto koment

Të ngjashme