Amanda Bynes po ia del mirë dhe po vazhdon të marrë trajtim në një institucion rehabilitimi, sipas avokatit të familjes së saj.

Aktorja e “Hairspray” u paraqit në një qendër rehabilitimi në janar pasi u ishte kthyer varësive dhe po vazhdon të marrë ndihmë dhe trajtim nga profesionistët e shëndetit mendor dhe këshilltarët e varësisë.

Në një intervistë me People, avokatja e familjes së Amandas, Tamar Arminak, i informoi adhuruesit për shëndetin e saj.

"Amanda po ia del shkëlqyeshëm, po punon në veten e saj dhe po merr pak pushim të merituar për t'u përqendruar në mirëqenien e saj, pas diplomimit në FIDM (Fashion Institute of Design & Merchandising) në dhjetor," tha ajo. "Ajo po e kalon kohën në lexim dhe ushtrime, duke vizatuar për linjën e saj të re dhe më së shumti duke u siguruar që këtë herë t’i vendosë nevojat e saj në vend të parë",  shkruan KOHA Ditore.

Në nëntor, 33-vjeçarja u shfaq në kopertinën e revistës Paper dhe foli sinqerisht për krizën e saj nervore dhe publike, gjë që çoi në hospitalizim, arrestime të shumta dhe rehabilitime, në vitin 2013 dhe 2014, dhe në betejën e saj me drogën.

Arminak gjithashtu kishte deklaruar për Access se intervista me Paper e detyroi Amandën ta kuptonte se ajo duhej të punonte në veten dhe ajo e mori vendimin për të kërkuar ndihmë.