Bletët janë krijesa të vogla të lezetshme. Por, sigurisht ato mund t'ju pickojnë dhe të shkaktojnë dhimbje. Mirëpo ato nuk duan ta bëjnë këtë, sepse kanë punë shumë më të rëndësishme për të bërë. A e dini se cilat janë ato punë?

Së pari, ne të gjithë e dimë se bletët bëjnë mjaltë, e cila është e shijshme dhe shumë e mirë për shëndetin tonë. Ata gjithashtu krijojnë dyllë blete, të cilin ne e përdorim për qirinj dhe për kujdesin e lëkurës. Por më e rëndësishmja, bletët luajnë një rol vendimtar për të gjithë ne përmes pjalmimit të bimëve, të cilin do ta shpjegojmë tani.

Kur një bletë zbret mbi një lule ndodhin dy gjëra. E para është se ajo thith nektarin e ëmbël, që është si një lloj lëngu i sheqerosur në lule, e mban atë në stomak dhe pastaj e hedh atë në zgjua së bashku me bletët e tjera, ku përfundimisht shndërrohet në mjaltë. Kurse e dyta është mbledhja e polenit. Kur një bletë zbret mbi një lule ajo mbledh polenin e një bime dhe e dërgon atë në lulen tjetër. Ky proces e ndihmon bimën të riprodhohet.

Pra, bletët janë shumë punëtore. Ato bëjnë gjithçka që munden për të siguruar ushqim për veten dhe të vegjlit e tyre. Gjithashtu, ato sigurojnë që bimët të rriten përmes polenizimit, gjë që ndihmon edhe njerëzit, meqenëse as ne nuk do të kishim ushqim nëse bimët nuk do të rriteshin.

Për këtë arsye, ne i duam shumë bletët, sepse ato e bëjnë jetën tonë akoma më të bukur. Kështu që kujdesuni për to!