WhatsApp направи голем број промени во изминатите неколку години за да го подобри корисничкото искуство.
Најновата надградба е дека корисниците сега можат да реагираат на пораки, да ги заклучуваат приватните разговори, па дури и да ги уредуваат своите пораки.
Има и други ажурирања. Една од нив е новата функција „Screen Share“ која им овозможува на контактите на WhatsApp да гледаат се што е на екранот на вашиот телефон.
Компанијата го објави големото ажурирање минатата недела.
Воведувањето на Screen Share има за цел да им овозможи на корисниците да споделуваат фрагменти од веб-страниците што ги прелистуваат или документи што ги гледаат.
Сопственикот на Мета, Марк Закерберг, објави за новото ажурирање на социјалните мрежи и сподели своја фотографија во групен повик на WhatsApp каде некој го споделува неговиот екран.
Откако ќе се стартува во наредните недели, корисниците ќе видат „икона за споделување“ на апликацијата и по притискање на неа ќе им биде дадена опција да споделат одредена апликација или целиот екран.
Во текот на изминатиот месец, Мета објави дека ќе им овозможи на корисниците да испраќаат кратки видео пораки од 60 секунди директно во разговорите.
