Tencent Games е една од најголемите гејмерски компании во светот и со хитови како PUBG: Mobile и Arena of Valor, сигурно е реномирана компанија во светот на мобилните игри. Претходно имавме информации за амбициите на компанијата да создаде сопствен гејмерски телефон, пренесува GSMArena.
Сега, Tencent Games ги објави своите планови за соработка со Black Shark на уредот, со хардверска и софтверска оптимизација.
Ова не е првпат Tencent да соработува со производител на телефони, бидејќи веќе имавме можност да го видиме Tencent Edition Asus ROG Phone II во јули, пишува KOHA Ditore. Новиот договор со Black Shark ќе се фокусира на соработка во областа на гејмерските телефони, со главна цел на корисниците да им се обезбеди подобрено искуство за играње на мобилни уреди.
Иако нема јасни индикации за тоа каков конкретен уред да се очекува, некои гласини сугерираат дека претстојниот Black Shark 3 ќе биде првиот производ што ќе излезе од соработката меѓу двете компании. Се очекува Black Shark 3 да има QH 120HZ дисплеј, чипсет Snapdragon 865 и до 16GB RAM во верзијата 5G.
