Пред неколку дена се појави уредот со кодно име Andromeda, кој всушност е телефонот Surface што се преклопува.
Во декември минатата година Дејвид Брејер објави неколку фотографии од овој уред, додека сега повторно Брејер објави нови фотографии кои се базирани на две опции Surface Phone, пренесува Koha.net. Така овој телефон може да се трансформира во лаптоп и видео игра.
{галерија}
Фотографијата на Брејер под опцијата за лаптоп ја прикажува QWERTY тастатурата на дното на екранот, додека опцијата за игри ги прикажува копчињата на контролерот Xbox на дното на екранот и видео играта на горниот дел од екранот.
Surface Phone се очекува да биде лансиран некаде подоцна оваа година, бидејќи Мајкрософт ја гледа можноста да влезе на пазарот на преклопни телефони пред Samsung. Се очекува Samsung да го лансира својот смартфон на преклопување Galaxy X на Светскиот мобилен конгрес кој ќе се одржи следната година во февруари.
