Samsung го патентира флексибилниот телефон што се преклопува нанадвор

Иако Samsung Galaxy Fold е првиот телефон во линијата на уреди на компанијата со флексибилен дисплеј, знаеме дека јужнокорејскиот производител е во процес на подготовка на други модели. Еден од нив ќе биде телефонот што се преклопува однадвор. Новиот патент на Samsung, објавен од организацијата WIPO, покажува како би можел да изгледа таков телефон, пренесува LetsGoDigital.

Судејќи според патентните скици, уредот е прилично компактен, дури и кога е целосно расклопен. Шарката во средината овозможува отворање на екранот во режим на цел екран, како и безбедно прицврстување преку мал лизгач на задната страна на уредот. Механизмот ќе го спречи несаканото свиткување, но останува да се види како тоа ќе функционира при секојдневна употреба, пишува КОХА Диторе.

Деталите, како што се камерите и портите, моментално не се видливи. Останува да се види кога Samsung планира да го имплементира дизајнот на патентот, додека претходните извештаи сугерираа дека тоа може да се очекува некаде во 2020 година.