Минатиот месец Lenovo го претстави премиум телефонот Z6 Pro Android во Кина, а за време на настанот компанијата објави дека 5G верзијата на моделот Z6 Pro ќе пристигне во одреден момент во иднината. Новиот модел Z6 Pro 5G Discovery Edition сега е официјално претставен во Кина, објави DroidShout.
Lenovo Z6 Pro 5G Discovery Edition е идентичен со 4G варијантата лансирана минатиот месец во однос на хардверските спецификации и дизајнот. Како што може да се види од името на уредот, главната разлика е додавањето на X50 5G модемот во моделот Discovery Edition. Lenovo не ја објави цената и достапноста на телефонот.
Lenovo Z6 Pro 5G има 6.39-инчен AMOLED дисплеј со Full HD+ резолуција. Моделот исто така може да прикажува HDR10 содржина. Телефонот се потпира на осмојадрен процесор Qualcomm Snapdragon 855 и графички процесор Adreno 640. Телефонот има 12 GB RAM и 512 GB простор за складирање UFS 2.1, пишува KOHA Ditore.
Lenovo Z6 Pro 5G Discovery Edition има систем со четири камери на задната страна со подобрувања со вештачка интелигенција. Системот се состои од главен сензор од 48MP, широкоаголна камера од 16MP, телефото од 8MP и секундарен сензор од 2MP. Освен ова, телефонот има и ZoF сензор. На предната страна е камерата од 32 MP за селфи и видео разговори.
Сите овие се испорачуваат со батерија со капацитет од 4000mAh за брзо полнење од 27W. Други карактеристики вклучуваат сензор за отпечатоци на екранот, звук Dolby Atmos, GPS со двојна фреквенција и поддршка за Отклучување со лице. ZUI 11, базиран на Android 9 Pie, е одговорен за софтверска поддршка.
